ഓപ്പറ മിനിയിലൂടെ മലയാളം | Malayalam through Opera Mini

വളരെയധികം പ്രചരിച്ച ഒരു കുറുക്കുവിദ്യയാണെങ്കിലും പലരും സംശയമുന്നയിക്കുന്നതിനാൽ ഇതിനിപ്പോഴും പ്രസക്തിയുണ്ടെന്ന് കരുതുന്നു. എന്തായാലും ഇതിവിടെ കിടക്കട്ടെ ആർക്കെങ്കിലും പ്രയോജനപ്പെട്ടേക്കും..

മൊബൈൽ ഇന്റർനെറ്റ് ഉപയോക്താക്കൾ ഏറ്റവുമധികം ഉപയോഗിക്കുന്ന ഒരു വെബ് ഗമനോപാധി (ബ്രൗസർ) ആണ് ഓപ്പറ. ജാവ മൈക്രോ എഡിഷൻ, ആൻഡ്രോയ്ഡ്, വിൻഡോസ് മൊബൈൽ, ഐ ഓ.എസ്, ബാഡ, ബ്ലാക്ക്‌ബെറി, സിമ്പിയൻ എന്നിങ്ങനെ ഒട്ടുമിക്ക എല്ലാ തട്ടകങ്ങൾക്കു വേണ്ടിയും ഓപ്പറ മിനി ലഭ്യമാണ്. ഇപ്പോൾ ഓപ്പറ മിനിയുടെ നവീകരിച്ച പതിപ്പായ ഓപ്പറ മിനി നെക്സ്റ്റും ലഭ്യമാണ്.

മൊബൈൽ / ടാബ്‌ലറ്റുകൾക്ക് പ്രാദേശിക ഭാഷാ പിന്തുണയില്ലെങ്കിൽ മലയാളമടക്കമുള്ള അക്ഷരങ്ങൾ ചതുരക്കട്ടകളായായിരിക്കും ഓപ്പറയിൽ ദൃശ്യമാകുക. ഇതിനെ എങ്ങനെ മറികടക്കുമെന്ന് ചിന്തിക്കാം

  1. ആദ്യമായി ഓപ്പറ മിനി അല്ലെങ്കിൽ ഓപ്പറ മിനി നെക്സ്റ്റ് നിങ്ങളുടെ മൊബൈലിലേക്ക് ഡൗൺലോഡ് ചെയ്ത് സന്നിവേശിപ്പിക്കുക. (കണ്ണികൾ: ഗൂഗിൾ പ്ലേയിൽ , സിമ്പിയനു ഓ.വി.ഐ സ്റ്റോറിൽ , ആപ്പിൾ ഐ ട്യൂൺസിൽ, മറ്റ് ഫോണുകൾക്ക്, ഓപ്പറ മിനി നെക്സ്റ്റ് ഗൂഗിൾ പ്ലേയിൽ )

  2. നെറ്റ്‌വർക്ക് കണക്ഷൻ ഓണാക്കിയ ശേഷം (അവശ്യമുള്ളവയ്ക്ക്) അഡ്രസ് ബാറിൽ config: എന്ന് ടൈപ്പിയ ശേഷം ഓ. കെ. അമർത്തുക. (ഇതിനു പകരം about:config എന്നോ opera:config എന്നോ നൽകിയാലും മതിയാകും.) ഇടയ്ക്കുള്ള ഭിത്തികകൾ (colon) ശ്രദ്ധിക്കുക.

    Malayalam in Opera Mini

  3. ഇപ്പോൾ തുറന്നു വരുന്ന താളിൽ കാണുക്ക ‘Use bitmap fonts for complex scriptsഎന്ന എൻട്രി (സ്വതേ അവസാനമായിരിക്കും) ‘Yesഎന്ന് നൽകിയ ശേഷം സേവ്അമർത്തുക. ചിത്രം കാണൂ..

ഇത്രയും മതിയാകും. ഇനി മലയാളത്തിലുള്ള ഏതെങ്കിലും സൈറ്റിൽ പ്രവേശിച്ച് നോക്കൂ.. ഉദാ : http://ml.m.wikipedia.org

നിങ്ങൾക്ക് മലയാളം അനായാസം വായിക്കുവാൻ സാധിക്കുന്നുണ്ടാവും.

സാങ്കേതികം :

ഓപ്പറ മിനി മുഖാന്തരമുള്ള എല്ലാ ഡേറ്റാ വിനിമയവും അവരുടെ പ്രോക്സി സെർവ്വറുകളിൽക്കൂടിയായിരിക്കും, സാധാരണ ഗതിയിൽ അക്ഷരങ്ങളുടെ കോഡ് പോയിന്റുകൾ ഫോണിലേക്ക് പകർത്തിയ ശേഷം അവിടെയിട്ടായിരിക്കും റെന്റർ ചെയ്യുന്നത്. ഇതിനാലാണ് ഫോണിനു പിന്തുണയില്ലെങ്കിൽ അവ ദൃശ്യമാകാത്തത്. എന്നാൽ ഈ ഓപ്ഷൻ സജ്ജമാക്കുന്നതിലൂടെ സങ്കീർണ്ണമായ കോഡുകളെ അവരുടെ സെർവ്വറുകളിലിട്ടു തന്നെ റെന്റർ ചേയ്ത ശേഷം അവ ബിറ്റ്‌മാപ്പ് ചിത്രങ്ങളാക്കി ബ്രൗസറിലേക്ക് അയക്കുകയായിരിക്കും.. ചിത്രങ്ങൾ എല്ലാ ഫോണുകൾക്കും കോമ്പാറ്റബിൾ ആയിരിക്കുമല്ലോ. അതിനാൽ അവ യഥാവിധി ഫോണുകളിൽ കാണപ്പെടുന്നു. മലയാളത്തിനിതുവരെ ആണവ ച്ചില്ല് പിന്തുണ ആയിട്ടില്ല. ഇതൊഴിച്ചുള്ള എല്ലാ യുണീക്കോഡ് അക്ഷരങ്ങളും ഈ കുറുക്കുവഴിയിലൂടെ ദൃശ്യമാകും. (ഒട്ടുമിക്ക ഇൻഡിക് ഭാഷകൾക്ക് വേണ്ടിയും ഈ പാത സ്വീകരിക്കാം. ട്ടോ..)

ശ്രദ്ധിക്കേണ്ടവ :

  • ഡൗൺലോഡ് ചെയ്യുമ്പോൾ ഓപ്പറ മിനി അല്ലെങ്കിൽ ഓപ്പറ മിനി നെക്സ്റ്റ് ഡൗൺലോഡ് ചെയ്യങ്ക. ഓപ്പറ മൊബൈലിൽ ഈ കുറുക്കുവഴി സാധ്യമല്ല.

  • കഴിവതും പുതിയ പതിപ്പ് തന്നെ ഡൗൺലോഡ് ചെയ്യുക. മറ്റു സൈറ്റുകൾ വഴി ഡൗൺലോഡ് ചെയ്യുന്ന ഓപ്പറമിനി പതിപ്പ് 5.0ലും പഴയതായാൽ പണി പാഴാകും.

  • ഇതു മൂലം അക്ഷരങ്ങൾ ചിത്രങ്ങളാക്കി മാറ്റുന്നതിനാൽ അവ കോപ്പി/ പേസ്റ്റ് ചെയ്യുവാൻ സാധിക്കുകയില്ല.

  • ചിത്രങ്ങൾ കൈമാറ്റം ചെയ്യുന്നതിനാൽ ഡേറ്റാ ഉപഭോഗം കൂടിയേക്കാം.

Share Button

Akhilan

6 Comments

  1. സംഗതി കൊള്ളാമെങ്കിലും, പാസ്സ്വേർഡ് ഉപയോഗിച്ചു ലോഗ് ഇൻ ചെയ്യേണ്ട സൈറ്റുകൾ ഈ മാർഗ്ഗം ഉപയോഗിച്ച് സന്ദർശിക്കാതിരിക്കുന്നതാണു നല്ലതു്. യഥാർത്ഥ സൈറ്റിനും ഉപയോക്താവിനും ഇടയിൽ ഒപ്പേറയുടെ പ്രോക്സി സർവ്വറുകൾക്കു് യൂസർ നെയിമും പാസ്സ്‌വേർഡും ജോഡിയായി ലഭിക്കും. ഇതു് വേണമെങ്കിൽ അവർക്കു പ്രത്യേകം ശേഖരിച്ചു വെക്കുകയോ അല്ലെങ്കിൽ ഉടനുടൻ ഉപേക്ഷിച്ചുകളയുകയോ ചെയ്യാം.
    സെക്യൂരിറ്റി തലത്തിൽ നിന്നു നോക്കിയാൽ ഇതു് അഭികാമ്യമല്ല.

  2. എനിക്ക് ഇപ്പോൾ ആണവച്ചില്ല് വ്യക്തമായി കാണുന്നുണ്ട്. സെർവ്വറിലെ ഫോണ്ട് നവീകരിച്ചു എന്നു തോനുന്നു.

  3. i tried in samsung but nut installing,it tells that check settings. what is the solution

Leave a Reply

Your email address will not be published. Required fields are marked *